PARA kay Neil Ryan Sese, ang karakter niya sa GMA series na “Kamao” ang pinaka-challeging role na ginampanan niya sa buong showbiz career niya.
Gaganap ang aktor bilang boksingero na inililihim ang tunay na pagkatao sa publiko – ang pagiging bakla.
“Nu’ng nabig@y sa akin yung role na, to date, ito na yung pinaka-challenging na role na nabig@y sa akin,” pahayag ni Neil sa naganap na grand mediacon ng “Kamao” na pinagbibidahan ng Sparkle hunk na si Anton Vinzon.
Pagpapatuloy pa ni Neil, “Talagang nagpapasalamat ako sa GMA at ipinagkalabob sa akin ang napaka-challenging role na ito na kumikiliti sa aking kaluluwa bilang artista, di ba?
“Dahil isa siyang boksingero na kailangan kong ipakita yung tigas bilang isang boxer, pero bakla siya.“So, kailangan maging sensitibo rin siya. So, yun yung pinag-uusapan namin ni Direk (L.A. Madridejos) lagi.
“May collaboration kami na papano natin kukunin yung balanse na hindi siya mukhang caricature o kaya stereotype na bakla,” aniya pa.
Tinutulungan din daw siya ni Direk kung paano ang masisiguro na ma-sustain at ma-maintain ang akting kapag nasa boxing ring at nakikipagbakbakan sa karakter ni Wendell Ramos at kapag kaharap ang lover niyang si Ahron Villena.
“So, sinasabi na…napagdesisyunan namin na kapag may certain kaming kausap na character, halimbawa si Wendell, nagiging lalaki ako.
“Pero kapag yung lover ko yung kausap ko, doon ako nagiging malambot. So, yun yung dapat nating abangan.
“Tsaka, physically demanding nga siya bilang boxer siya, di ba? So, nakakapagod pala yung maging boksingero. Kaya, physically demanding yung role.
“At yun nga, hindi maiwasan may mga scenes kami ni Wendell nu’ng boxing fight, nagkakatamaan talaga kami dahil mahirap i-estimate kasi yung gloves. Iba yung distance niya.
“So, buti na lang napakabait yung co-actor ko, di ba? Kasi kung iba siguro, baka nag-away na kami talaga. So, tinanggap na lang namin.
“Kasi nakita namin yung output nu’ng eksena, sobra kaming naging masaya, kahit nakakapagod siya dahil maghapon kaming nagba-boxing doon sa scene na yun.
“Maraming, maraming salamat at maganda yung kinalabasan. Direk, thank you. GMA, salamat ulit at nabig@y niyo sa akin yung role na to,” ang pahayag pa ni Neil.
Sey pa ni Neil, empowering din para sa L9BTQIA+ community ang “Kamao” dahil sa kanyang karakter. At sana raw ay suportahan din ng mga beki ang serye nila.
Napapanood ang “Kamao” sa GMA Afternoon Prime kung saan kasama rin sa cast sina Amy Austria, Roi Vinzon, Katrina Halili, Bruce Roeland, Therese Malvar, Chanty Videla, Tito Abdul and Tito Marsy, Matt Lozano at Euwenn Mikaell.
